الليل دفتر
مدخل
والله انيّ لا هقيت : انك تعبت
گل قطعه فالجسد .. تتعب معك
عمق
البارح القلب يكتب والسهر يقرا
و الليل دفتر عجز يستوعب عتـابي
قلت انقض الجرح واجعل سيرته مسرى
مليت اروح بقصيدٍ مابعد جاء بي !!
حنيت لك يالغرام العذب وانت ادرى
ياأغلى وأجمل واعز واطهر احبابي
يامرحبا وان لفيت وصادفك غدرا
عزاي بانك تميزني عن القــابي
من غبت والناس كن نفوسهم قشرا
أشواهم اللي كســـر روحي وهلّابي
الجرح يبرى لو ان الوقت ...مايبرى
شف وقتي اللي خذلني ويش سوى بي !!
ماقلت لك بأجعل من السالفه مسرى
لك يالقصيد الصدوق رضاي وإعجابي
أكتبك سيل(ن) يجي له فالورق مجرى
واذا كتبتك ...نبت فالطــرس غيّابي
تدري بلاش ...اكتبك ...والناس ماتقرا
يكفيني انك مقـــــربني من أحبابي
مخرج
اقرب وخل الجفا لايمر في بالك
مصيرنا بنتفارق / ليه مستعجل ؟
لأرواحكم النقيه
|
العرض المتطور
