فرقا - يا دار - منوة فؤادي :

فرقا

لابد يومٍ حولي الربع جاثين
والطفل دمعه فوق صدري همايل

يبكي فراقي قبل مالموت يطوين
وأصير وحدي حدر دق الرمايل

يدري فراقي ماهو أيام وسنين
فرقا إلى يوم الحشر والهوايل

أرجيك ياصالح كـعام المعادين
حـمّاي ربعه يوم رمْي النصايل

لا من رأيت الربع بالنعش مقفين
والدمع يجري مثل وبل المخايل

ثم جاك خلي كامل الحسن واللّين
قله أبو بسام حدر النثايل

ياما سهر بالليل والخلق غافين
يشكي غرابيل العيون االكحايل

واليوم ماله بالوصل ياأريش العين
وده بغفران الذنوب الجلايل

ارفع كفوفك وادع ملجا الضعيفين
يدمح له الزلة ويرفا الخمايل

واكتب على قبره ياشوق المزايين
بيتٍ من المسحوب يبرا الغلايل

هذا أبو بسام عقب أدعج العين
أقفن سنينه مثل برق المخايل


يا دار

يا دار وين اللي بالأرواح نفديه
أبو ثمانٍ قل بالبيض حلياه

يا دار خشف الريم وينه غدا فيه
قولي لصبٍّ جا من البعد ينصاه

قالت وكن القلب برماح ترميه
خلك رحل يم البصر يم مرباه

رديت والمربى ذواريه تذريه
قلبي عقب عذب النبا مل دنياه

يا ليت عزرائيل جتني مراميه
واللحد ضم الجسم من قبل فرقاه

أقفى فؤادي والمحاديب تتليه
يوم الظعن قدام عيني تمطَّاه

راح الغضي والقلب بالترب ناسيه
هاتوا فتاين واحيوا اللي تمناه

وإن جا وليفي عقب طولة مساريه
والشيب من عقب النضارة تعلاه

قولي أبو بسام لا عاد ترجيه
مرباك ضم اليوم ناحل حناياه

حدر جدار الطين قبره تلاقيه
عند أثلة اللقيا لمن كان يهواه

أول رضيعٍ كلّ عينٍ تراعيه
واليوم حدر الترب والكل خلاه

غدا وحيدٍ دون خلٍّ يواسيه
غير الكفن وأعماله اللي بدنياه


منوة فؤادي

عشرين مع ستٍّ قضيته بالشجن
وأفنيت عمري بالحساير والنياح

مليت دنيا كلّ ما فيها حزن
وأضحى مرامي حفرةٍ بأرضٍ بياح

بالله دنولي حنوطٍ مع كفن
منوة فؤداي يوم لفي بالوشاح

يابو علي لا جيتني بعد الدفن
وشفت القبر بالبيد تسفيه الرياح

قل من عقب طول السهر جاك الوسن
وارتاح جسمٍ كان مقضوب السراح

بعد عدة أيام من نشر هذه الأبيات في الإنترنت وصلتني رسالة في أحد المنتديات من فتاة مضمونها نح اليأس جانباً وانظر إلى الدنيا بعين الأنس والانشراح فرددت عليها بهذين البيتين :

هنيت من هو مات وارتاح
وأمسى أسيرٍ باللحودي

يلومني من عاش الأفراح
ما عاش ضيقي واللهودي

عزف منفرد ,احمد الحلو ,سُقيا ,احمد حماد و 1 آخرون معجبون بهذا

نوميديا