مساء آخر

تجهمت السؤال الصعب لكني على ميعاد
مع اخفاقة جواب لا تبيّن ينطفى نوره

مليت كفوف وقتي اسئله ما بين سين وصاد
ورط بالسين والا الصاد باقي ما وصل دوره

عشقت احساسك الأول مهوب احساسك المعتاد
قريت النبض من اول بدا يكتب لدستوره

تجليتي مساء ذاك المساء واختلت الابعاد
هنا صعب ٍ على مبدع صور يلقط لها صورة

مساء جيتيه جاء يحمل معه باقة من الاعياد
ولوّن لك شفق ذاته ورود اعياد منثورة

وما عاد الفضاء نفس الفضاء صار الفضاء بالكاد
تقول ان الربيع استوطنه ثم فتّح زهوره

ونسمة هالمساء صارت بطوع احساسها تنقاد
تعرف انه مساء الرغبة ولا هي فيه مجبوره

تتبّع خطوتك طفلة تتابع شمعة الميلاد
وهي في وسط فرحتها تبسم صدق مسرورة

تلفت بس خجلانه لان الحفل فيه اولاد
بدت في لبسها الزاهي بوسط الكل عصفورة

وحضر غيم المواسم يحمل امطاره بلا رعاد
جميع ارض وطيتيها تسمى ارض ممطوره

ما قلت ان المساء هذا لانك فيه ما ينعاد
واذا جيتي يجي نفسه بنفس الشوق وشعوره

لأنك غير غيرتي مسار الرصد والارصاد
تميز هالمساء في حالة ما هيب مخبورة

هنا كان الجواب لسين لكن مستحيل الصاد
يحلوا لغزه الاصعب لانك شبه اسطوره

... فهد ...

برّاق ,وهــج ,خفوق ,الامير سالم و 7 آخرون معجبون بهذا

سُقيا ,لصمتي حكاية ,نوميديا ,معتز ,عزف منفرد ,سُلاف ! ,احمد حماد