الياسمينه!!

مساءاتكم وصباحاتكم وكل اوقاتكم سعاده

اول مصافحه بكم وكل الامنيات ان ترقى لسمو ذوائقكم ..

جوّك تعكّر! ليه.. تعكّر مسائي؟
الله ....ولا الحظ الردي والغبينه !

لا ....ي النجوم الآفله من سمائي
جيتي حزينه ووقت افولك حزينه

كنت الدِوّى لكنّك اصبحت دائي
قلب التجا بك ما هقى تذبحينه

ضحيّت من شانك بكل اصدقائي
ولأجل عينك قلت تكرم مدينه

ليته ما خاب الظن بك ي رجائي
وليت إن من واساك ما تعرفينه

لاهان راسك فدوةٍ لك عنائي
فدوه لـ كل ما كان بينك وبينه

دام السبب صدقي وقمة وفائي
يفدااااك من حَبِّك وباقي سنينه

والله ما اعاتبك اعاتب غبائي
عايش يبيك بـ لهفته ولا تبينه

حقك عليِّ الصمّت واكمل دعائي
وتحفِّك إيدين الرحيم الأمينه ..

حان الرحيل ولا تلفّت ورائي
واختم ببيت وي عسى تذكرينه

الله يصبّرني ويحسن عزائي
في راحتيني ماتت الياسمينه!!

قلمي ،،

لصمتي حكاية ,عبير الليل ,رمق ,رفيفَ و 6 آخرون معجبون بهذا

برّاق ,عزف منفرد ,سُقيا ,برغندي ,احمد داود الطريفي ,سُلاف !