أحلم اسامحك!

أحلم اسامحك!

ليلة البارحه ضيقه وغربة شعور
لازمتني من أول ليل لين أصبحت

وقفّي واسمعيني زين بدر البدور
شفت فرقاك بـــ إيدينك لنا لوّحت

قلت أسجّل بعالم قِصّتك لي حضور
دام ذكراك باقي توووها ما أمّحت

كنت عالم جميل من الفرح والسرور
لين ذاتي بــــــــ عالمك الجميل أمرحت

بعدها صابك الظاهر شوويّة غرور
نفسك السامية يّم الخطايا أجنحت

كيف طاوعك قلبك بالخطايا تجور
كيف؟ نفسك أمانه قول؟ كيف أسمحت

كيف تسمح لقطّاع الطرق بـ ..العبور
عبر عالم حسبته كان ملكي بحت

قصر حبك بنيته غير كل القصور
كل ما شافته عين الكئيب أفرحت

أصبح القصر ظلمى ما بداخله نور
والعيون أن غفت في ظرف لحظه صحت

احلم أسامحك واجبر بقايا الكسور
وارجع اصحي وأشوفك من عيوني طحت

كان هذا بقايا قصتك في سطور
واسمح الكلمة اللي قاسيه وأجرحت

،
الشفق

* سبق النشر