قالوا عني قوّالي ليش بدي خاف ل بدو يتحدى قبالي بمعنّى وأوف خلي ينزل ع الساحة يعمل معروف البنيّة القوالي قدا والكل يشوف والله لخلي عنتر الشعر يعوف حاج علينا يتكبر بشوية حروف وحفنة كلمات فراطة ما الها مراح
عنتر وقّف ع بابي يتحدى بشعر يغرف من سرجو الفكرة ليباهي بشطر ويرمي الكلمة بسيوفو وتسقط ع السطر لينظم قصيدة بنفسو من باب الفخر هيك الشاعر بسيفو سيد الفرسان
قلّي يا بنيّة قولي لو كان لك رد عنتر بشعرو فارس وخيلو من جد تهابو وديان الكلمة ويوضعلا حد سيف الفارس بحدو وان جد الجد يوقف عسكر ع حيلو والخصم يصد انا بشعري فارس الاول بنعدّ واللي ما عجبو ينازلني حاجي يحتدّ
الشعر الشعبي يا عنتر ناطر قوّال يدوزن ع النغمة معنى ليصير موال والمتحدي يا ويلو وان كان خيّال او فارس بميدانو وبسلاحو نال خصمك ما بيرضى بهدنة ما بيمشي الحال رماحو بشعرو بيرميها ويصيب رجال وينخ الخصم قبالو ويصير خيال ان ما بتعرفني ياعنتر روح عني سال
بقلمي سيرين سحر الشرق الاحد في 24\5\2015 الساعة 4:30 مساء لااحلل النقل حتى مع ذكر المصدر
عضويتي 
ملوك الزجل__بقلمي
العرض الشجري