ليه يادنيا عايزة تحرميني أعز الناس
ليه يادنيا وبتاخدي أجمل إحساس
ليه دايما بتخليني يادنيا وحيدة
مكتوب علي من يومي أبقي غريبة
ليه يا دنيا ليه
حتى الطفولة حرمتيني أعيشها زمان
دايما بلاقي في أيامي طعم الحرمان
حتى السعادة والفرح ضاعوا كمان
لما الحبيب جاني في يوم طلب الحنان
وكان محتاج لعطفي وكان إنسان
عيشني حلم كبير
وكان يا ما كان
ولما قرب حلمي يتحقق معاه
ياخساره فاتني وطلب مني كمان أنساه
لا يا دنيا لا
لا وألف لا
يا دنيا مالك كدا عمالة تأسي عليّا
مكتوب عليه أفرح والدمع في عنيّا
وبحب كل الناس جنبي وحواليّا
ولا حد فيهم يادنيا في يوم حس بيّا
إرحمي قلبي يا دنيا من الفراق
إرحمي عيوني اللي جفت من كتر البكاء
إوعديني في يوم يا دنيا إني أعيش حالة صفاء
إوعديني وإرفعي شكوتي ... لرب السماء
تعبت كتير ونفسي في يوم أرتاح
من كلام الناس إللي كله جراح
من عذاب الليل من كتر النواح
من كلام الليل إللي بيدوب في الصباح
إسمعي يا دنيا للمرة الأخيرة بقولك
مش حسمحلك تعذبيني وأسلم لأمرك
مش حسمحلك تاخدي حبيبي مني
ولا حتى حسمحلك تبعديه ولا ثانيه عني
تعرفي ليه !!!
علشان حبيبي حيفضل حبيبي
بحضني وجوا قلبي
حتى لو فكر يبعد
حتفضل روحي حواليه
ترفرف وتشقر عليه
وتبعتله أشواقي وآهاتي
أنا بحذرك يا دنيا ودي حيااااتي
إياكِ ثمَ إياكِ تفكري تبعدي عني حبيبي
عاوزة تاخدي خدي عمري اللي باقي
بس سبيني أموت وأنا بين احضان حبيبي
لاني تعبت ونفسي ارتاااااااااااح
تعبت من الاحزان
تعبت من الجرااااااااح
سبيني بقى ارتاح
وبدلي حياتي
يادنيا بالافراح
:::::