هَبَّــآت ســآفي

اللي سمع همس الحنين وتغلى
عساه يفقـد كل همس الأشــافي

لو بـ العسـل حنظل مـراره يحلَّا
يظل مُـرّ و ما بـه عْـلاج شــآفي

الليل شمعـه نورهـا لـ من تسـلَّا
يمـرّ مَـرَّ النجـمــه بـ ليــل طافي

و القلـب شريـآن و وريـد يتـدلَّى
بـ الـدَّم والـدَّم احتـوى كل صآفي

يـضُـخَّـهــا مـن حـب ريـم ٍ مفَـلَّا
يمـوت لو يقتـآت مـن هـم خـآفي

يـذوب .. مثلـه مثـل سكَّــر يحَلَّى
بـه كل كـوب ٍ ينشـرب بالعـوآفي

يـفـــزّ مـع مـن بــ المحـبِّيـن هَـلَّا
مستبشـر بمن ظلها رمـش غـافي

يا ليت شعــري وش لـ خـل ٍ تخلَّا
يوم اعتـزت روحه بعـذب القوآفي

هـو يهجــر الدفتــر بَعَــد مـا تمـلَّا
أو تنـدفـن عينـه بـ هَبَّــآت ســآفي

المختار ,همس المشاعر معجبون بهذا

كم استمعت بقراءة هذه القصيده المعبره
بارك الله فيك اخي وبحروفك اللي تحمل معاني جليله

المختار ,عبدالله الصقـري معجبون بهذا

صح لسانك
واعتلا شانك
ابدعت اخي في هذه الكلمات والمعاني