ليت السما .. لا دعيت الله تمطر وصال..!!

.. واحد هو الحِزن لو كِثرت وجيه الليال ! ....... ياوقت ... لا تقفل أبوابك عليّ .. و تشين ! حظي يدينه قصيره .. والأماني طوال ! ....... والريح عن عالي أفكاري ... مـ تبّت يدين ! ناديت صدفه .. تهاوت بي بيوتٍ جزال ....... سافرت .. لكن طريق العمر .. برد وحنين ! يـ الله أبفتح على سُور المقادير / فال ........ محتاج آمرّر خلاله .. كل مابي .. سجين ! هذا البلد : صُبح كسلان و شقاوة عيال .... فيه البشر : يحسبون المال .. سحرٍ مبين ! عطشان ياطفلة الما يا إنتعاش الزلال ! ..... غيمك خذلني .. ولا لي بعد ربك .. معين ! الهمّ : رحله طويله .. ترفض الاختزال ....... والحب : لوحه نستها الشمس في بيت طين وأنتي مع كبرياءك ... نايمه بالحلال ! ..... وانا أقطّع ورودي .. ياتجين .. أو ما تجين ! ليت السما .. لا دعيت الله تمطر وصال ....... ما كان جفّ الخفوق و صار شكلي حزين ! ذنبي زرعتك فـ بستاني .. بلحظة زوال ........ ذنبك : رحلتي مع النسيان .. خلف السنين فيني من الكادحين .. الصبر و الإعتدال ..... إنسان قُوتي .. على كثر إحتياجي [ يقين ] اصحابي إن رحت عنهم صوّتو لي تعال ..... وإن جيت : شبّوا فوانيس الجفا .. مبعدين يطردني الحكي | وآتهرّب من الإنفعال ! ...... لين أتعثر .. بواقع .. للمصالح .. رهين ! طفلٍ تعوّدت أوزّع ضحكتي [ برتقال ] ! ......... للناس .. لأ شباه تشبه ناس .. للعابرين ! مرّي / قبل تتلف آمالي هبوب الشمال ! ......بعض الغلا ... يذبح الرجّال .. لو مايبين ! صدري حديقه .. حو اليها المواجع ظلال ..... عمرك سمعتي حديقه .. تفتقد .. ياسمين ؟

خالد ,برّاق ,رفيفَ معجبون بهذا

ذائقه قل نظيرها
لجلبك اضاميم شكر
ولجهدك كل الامتنان .

برّاق معجب بهذا

للعابرين ضفاف المكان
لاحرمتكم نوراً يتوج نبضي
بأجمل حٌلّة ,
من القلب الـ غمرتموهٌ فرحاً
امتنان ومودة

جلب رفيع
انتقاء مميز
شكرا لك.. ♪

عبير الليل معجب بهذا

انرتم احبتي
لاخلا ولاعد نوركم

أتيتي بكُل ما هو مُميز ، ولا غرآبه أنتِ
عنوان التميز
عبير الليل
الأسم وحده يكفي عن حروف الهِجاء والتعابير

تحياتي

عبير الليل معجب بهذا

سلمت آناملك على الانتقاء الاكثر من رائع

ولاحرمنا جديدك القادم والشيق

ونحن له بالإنتظار,,~

احترامي

ـ“ـ

عبير الليل معجب بهذا

للعابرين ضفاف المكان
لاحرمتكم نوراً يتوج نبضي
بأجمل حٌلّة ,
من القلب الـ غمرتموهٌ فرحاً
امتنان ومودة