هشام الجخ (وجع الذكريات) مع الكلمات

كنت بحبك كنت بوضب روحى وأحبك لجل ما أقابلك كنت بكل حالاتك قابلك تفرحى قابلك تزعلى قابلك تتقلى قابلك كنت الأرض وكنت سنابلك كنت الحرب وكنت قنابلك حتى ف بعدك وانتى مسافرة وبينى وبينك ألف محطة وانا دون الناس عشقتك كنت عايش جوا صدرك حلم دافي كنت بنسى الناس وبجيلك يوم ميعادك ككنت ابسط من البسيط واكتشف هواك كنت دون الناس عبيط أنا أَصلي واخد ع الوجعْ وأمَّا الجِراح بِتصيب جَدعْ بيصِير وجعها بِمِيت وجعْ وجَع اللي حَبّيتْها وسابِتني وجع اللي بعينيها سَبِتني وجع اللي عملِت منّي رمل في قعر جوفَك رسَّبِتْني وتسعميت مليون وجع للذكريات أصل المحبة يا بحر مش فترة وتعدّي دي عمر شايِل صوت هزاري وغُلب جَدّي فِكر طايِح، يوم يِجيب وشهور يِودِّي وتسعميت مليون وجعْ عدد المحارة والودعْ عدد الكلام مِن بين شفايِفها الجُمالْ عدد الشَماسي والكراسي والبنات عدد الرمالْ عدد المطرْ يا أبو قلب أقسى مِن الحجرْ يشهد عليكى السلم المستنى خطوتنا تشهد عليكى الشبابيك ال فتحتيها علشانى فى نص الليل وعز البرد يشهد عليكى محل الهدايا ال ع الناصية وكشك الورد تشهد عليكى هدومك ال قلت لك ما تلبسيهاش تشهد عليكى امتحاناتى ال علشانك ما دخلتهاش تشهد عليكى وتني هوستن .. جورج مايكل عم شوقى بتاع الفطير كيف يصير الحال كدا ؟! م ال ابتدا أنا ال غلطان لك وأنا ال محقوق لك وأنا ال دون الناس عشقتك كنت عايش جوا صدرك حلم دافى كنت با أنسى الناس وأجيلك يوم ميعادك ( ياكش ) حافى كنت أبسط من البسيط واكتشفت إنى ف هواكى كنت دون الناس عبيط

احمد حماد معجب بهذا

كلمات جميلة
واختيار اجمل

دمتِ برائع طرحك واختياراتك الماتعة

العيون السود معجب بهذا

العم احمد حماد


شكرا لتعطيرك متصفحي



و اشراقك أرجاءه



تحياتى واحترامي