السكينه والسفينه!!

#1 2018-09-21, 06:37 PM

كل عام وانتم بالف خير
::
في اخر
،
ايام السنه
،،
قررت اسافر
،،،
!!
وين ؟مدري!

المهم قررت اسافر
::
امتطيت القارب اللي
لا شراع ولا مكينه

وكل م ابحر فينك اكثر
لج بحرك ثار وازعجني انينه

بـ أول المشوار دوبي
خوف م بي بس م حِسّ السكينه

وابتدا ليل العنابك
وعذابك وعذابك ي امينه

لـ اجل عينك عام بحرك
وقبل يبحر ي كثر م تمدحينه

بعد م ابعد حيل في بحر الاماني
صار حظك من غلاته تندبينه

كل يومك جالسه في شط بحرك
تهتفين بكل لهفه ترقبينه ..!

حتى يتسربل عتام الليل يومك
ثم تقضي كل ليلك تحلمينه ..!

ولـ اجل م ودك بيومٍ تخسرينه
حلمك البارح تقومي تقطعينه

والمسافر في طريقه ي امينه
ابعد ابعد وانقطع نور المدينه

قاربه اللي لا شراع ولا مكينه
المصيبه سترة نجاته المعينه

كيف ضاعت ؟ وش مصيره؟
ايه ضاعت مثل م ضاعت سنينه

صار تايه تارةً يحسب ذنوبه
وتارةٍ يرقب عسى تلفي سفينه

واضحت آماله كـ ورده مضمحله
ترقب الساقي بمايه في يمينه !!

مثل حالي ينتظر والصبر ينفذ
ينتظر ربان في بحره يعينه !!

تجري الايام تعقبها الليالي
والمسافر عايش بحّس السكينه

وشابت ايامه ي رحمان الستيره
قلّ شوفه وانهكت حاله الغبينه!!

بعدما جار الزمان وقل حيله
المسافر مّل من حضن السكينه

مّد شوفه م يميّز لا قريب ولابعيده
م يشوف الا خيالات اصبعينه !!

م فرح لا في سكينه ولا سفينه ..
مات م بين السكينه والسفينه!!

بقلمي .. حصري

عبدالله الصقـري ,متمردة ,لصمتي حكاية ,العيون السود و 4 آخرون معجبون بهذا

3 أعضاء قالوا شكراً لـ الشفق على المشاركة المفيدة:
(2018-09-22), (2018-09-21), (2018-09-21)

الذين يشاهدون محتوى الموضوع الآن : 1 ( الأعضاء 0 والزوار 1)